Hava
booked.net
InvestAZ
Təqvim
«    Noyabr 2018    »
BeÇaÇCaCŞB
 1234
567891011
12131415161718
19202122232425
2627282930 
20 okt 10:40Siyasət

“Azərbaycan torpaqlarının işğal altında qalması qəbul edilə bilməz” - Türkiyə prezidenti

“Azərbaycan torpaqlarının işğal altında qalması qəbul edilə bilməz” - Türkiyə prezidenti

“Əslində bugünkü Azərbaycan Türkiyə Respublikasının - bizim son dövlətimizin yaranması kimi qardaşlarımızın da ən gənc dövlətidir. Təxminən bir ay bundan əvvəl Bakının Qafqaz İslam Ordusu tərəfindən azad edilməsinin 100 illiyi tədbirləri ilə əlaqədar azərbaycanlı qardaşlarımızla bir yerdə idik. Bakıda şanlı Türkiyə və Azərbaycan ordularının hərbi paradını qardaşlarımızla birlikdə həyəcan və qürurla izlədik. Türkiyə hərbi birlikləri azərbaycanlı qardaşları ilə keçmişdə necə çiyin-çiyinə vuruşmuşdularsa, həmin gün də eləcə çiyin-çiyinə addımladılar. Bu parad iki ölkə arasında əməkdaşlığın, iki dövlət, bir millət olmağımızın göstəricisi idi”.

Xebermen.info “Qafqazinfo”-ya istinadən xəbər verir ki, bunu Türkiyə prezidenti Rəcəb Tayyib Ərdoğan İzmir şəhərində “Star” neft emalı zavodunun açılış mərasimində çıxışı zamanı deyib.

Ərdoğanın sözlərinə görə, bu gün “Star” neft emalı zavodunun açılışı ilə dünyaya örnək olan əlaqələrimizi bir addım da inkişaf etdiririk:

“Azərbaycan ilə əlaqələrimizi təkcə cəsarət, təkcə siyasət miqyasında deyil, güclü iqtisadi çərçivədə davam etdiririk. Bu müəssisə enerji sahəsində həmrəyliyimizi gücləndirmək üçün uzun müddət gördüyümüz işlərin ən mühüm və konkret örnəklərindən biridir. Daha əvvəl Bakı-Tbilisi-Ceyhan neft boru kəməri və Bakı-Tbilisi-Ərzurum təbii qaz boru kəməri layihələrini həyata keçirmişdik. Bu ilin iyununda hər biri xüsusi əhəmiyyətə malik bu strateji layihələrə regional və qlobal miqyasda nüfuza sahib olacaq TANAP-ı da əlavə etdik.

İndi açılışını etdiyimiz “Star” neft emalı zavodu ilə Azərbaycanla qardaşlıq əlaqələrimizin strateji miqyasını daha da gücləndirmiş oluruq. Türkiyə və Azərbaycanın liderliyi ilə həyata keçirdiyimiz hər bir layihə ölkələrimizin regional gücə çevrilmək qabiliyyətini qüvvətləndirməkdədir. Dünyanın ticarət müharibələri və böhranlarla sarsıldığı bir dövrdə bir-bir açılışını etdiyimiz bu layihələrin ölkələrimizi həm ayrılıqda öz qayələrinə, həm də ortaq hədəflərinə yaxınlaşdırdığına inanıram. Hər şeydən əvvəl 6,3 milyard dollarlıq bir sərmayə - “Star” neft emalı zavodu. Amma bundan başqa konteyner limanı, digər tərəfdən isə ilk açılışı ilə addımını atdığımız neft-kimya müəssisələri - bütün bunları ümumilikdə hesabladıqda söhbət təxminən 10 milyard dollarlıq sərmayədən gedir.

Hörmətli qonaqlar, 2008-ci ildən etibarən enerji sahəsində ölkəmizdə mühüm layihələr həyata keçirən Azərbaycan Dövlət Neft Şirkəti – SOCAR “Star” neft emalı zavodunu məhz bu rəqəmlə, bu sərmayə ilə ölkəmizə qazandırmışdır. Son 30 ildə həyata keçirilən ən böyük real sektor sərmayəsi olan “Star” neft emalı zavodu Avropa, Yaxın Şərq və Şimali Afrika bölgələrində ən böyük neft müəssisələrindən biri olaraq, inşallah, uğurla fəaliyyət göstərəcək.
Bu müəssisə ölkəmizin “Strateji sərmayələrin təşviqi sənədi”nə sahib ilk layihəsi olmaq xüsusiyyətinə də malikdir. Bundan başqa, belə bir investisiya olduqda bizim üzərimizə düşən bir vəzifə var, onlara xüsusi dəstək də verəcəyik. O dəstək də ondan ibarətdir ki, bundan sonra nazirlikdə bütün proseslərin həyata keçirilməsi şərti ilə prosedurlar zamanı bu təşviqdən də istifadə ediləcək. Çünki mərifət lütfkarlıqdan asılıdır. Lütfkarlıq olmasa mənası olmaz”.

Türkiyə prezidenti qeyd edib ki, eyni zamanda, bu neft emalı zavodu Türkiyənin ən böyük enerji layihəsidir:

“Bu baxımdan neft məhsulları idxalında hər il 1,5 milyard dollar məbləğində qənaət edilməsi, neft məhsullarında xaricdən asılılığın azalması hədəflənir. Gündə 214 min barrel, ildə 10 milyon ton xam neft emalı gücünə və 1,6 milyon kubmetr ehtiyat saxlama qabiliyyətinə malik zavodda dizel, nafta, təyyarə benzini və LPG kimi neft məhsullarının istehsalı həyata keçiriləcək.

Məşğulluq baxımından da mühüm əhəmiyyət daşıyan bu müəssisədə 1100 nəfər çalışacaq. Beləliklə, bu zavod Türkiyə və Azərbaycan iqtisadiyyatlarına mühüm fayda verməklə yanaşı, Egey bölgəmizin rifahını yüksəltmiş olacaq.

Biz iki dövlət, bir millət olaraq öz ölkələrimizlə yanaşı, bölgədəki bütün xalqların təhlükəsizliyi, sabitliyi, rifahı və zənginliyi üçün çalışırıq. Ürəkdən istərdik ki, bölgədəki hər bir ölkə bu səmimiyyəti görə bilsin. Aralıq dənizinin şərq hissəsindəki karbohidrogen ehtiyatları ilə bağlı birtərəfli qaydada baş verən uğursuzluğa məhkum müxtəlif təşəbbüslərdən təəssüf edirik. Bu vəziyyət bölgəmizdə hələ də qeyri-sabitlikdən və gərginlikdən istifadə etmək siyasətindən əl çəkmək istəməyənlərin olduğunu göstərir. Türkiyə olaraq belə cəhdlərə qarşı cavabımızı həm bu yerdən, həm də diplomatik sahədə ən sərt şəkildə verməyi davam etdirəcəyik. Ölkəmizi və qardaşlarımızı nəzərə almayan heç bir təşəbbüsün uğur qazanmaq şansı olmadığını bütün tərəflər görəcəklər. Dostluğa, həmrəyliyə, birlikdə qazanmağa istiqamətlənmiş hər bir təklifə açıq olduğumuzu buradan bir daha bildirmək istəyirəm. Hazırda açılışını etdiyimiz müəssisə məhz bu faydalı əməkdaşlığın ən gözəl nümunəsidir. Hamını belə əməkdaşlığa dəvət edirik”.

R. T. Ərdoğan Türkiyə və Azərbaycanın bölgəmizin təhlükəsizliyinin və sabitliyinin əsas aktorları olduğunun artıq hamı tərəfindən qəbul edilməyə başlanıldığını vurğulayıb:

“Bu iki ölkənin qoşulmadığı, razı olmadığı və dəstək vermədiyi heç bir layihə hədəfinə çata bilməz. Bununla yanaşı, Azərbaycan torpaqlarının 20 faizinin əsrin dörddəbiri qədər işğal altında qalması qəbul edilə bilməz. Ölkəmizin və Azərbaycanın bu münaqişənin həlli istiqamətində göstərdiyi təşəbbüslərə beynəlxalq ictimaiyyət daha səssiz qala bilməz. BMT başda olmaqla regional və qlobal problemlərin həlli üçün qurulan təşkilatların bu səssizliyi onların özlərini də məhvə sürükləyir. Haqq-ədalət duyğusundan uzaq, içi boş olan beynəlxalq qurumun heç bir cəmiyyətin və şəxsin gözündə etibarı qalmaz.

Biz, beynəlxalq ictimaiyyətin Qarabağ məsələsi başda olmaqla dünyada ortaya çıxan haqsızlıqlara “Dur!” deməsini gözləyirik. Sabitliyin, əmin-amanlığın, rifahın təmin olunması qaydaları istisnasız bütün dövlətlər üçün tətbiq edilməzsə, kimsə gələcəyinə əminliklə baxa bilməz. Türkiyə və Azərbaycan olaraq biz istənilən vəziyyətdə və şərtlər altında inandığımız dəyərlər uğrunda apardığımız birgə mübarizəni davam etdirəcəyik. Allahın izni ilə bu müqəddəs mübarizəmizdə müvəffəqiyyət qazanacağıq”.
SON XƏBƏRLƏR
Ölkədə yumurta istehsalı azalıb13:03ABŞ-da neft qazma qurğularının sayı artıb13:02Əlcəzairin neft şirkəti Nigerdə böyük neft ehtiyatı tapıb13:01Ölkədə sement, kərpic, armatur istehsalı artıb12:59Azərbaycan neftinin qiymətindən nə xəbər?12:58İnstagram depressiyaya səbəb olur?12:50İstirahət günlərində gözlənilən hava proqnozu12:47Tanınmış aktyorun rolu bu səbəbə görə əlindən alındı12:44Ajda Pekkan buna görə əsəbiləşdi..12:40Yayda evlənəcəklər12:33Milli komandamız Ukraynaya məğlub oldu12:32Ronaldo şərablar üçün 31 min avro ödədi12:31Futbolçunun qolu Misir yığmasını liderliyə yüksəltdi12:27Mövqelərimiz atəşə tutuldu12:23Azərbaycan əhalisinin sayı artıb12:22Bu yolda hərəkət qismən məhdudlaşdırılır12:18Planetdə daha bir konflikt həllini tapır...12:16Lukaşenko və Nazarbayev izahat verməlidir-Erməni baş nazir12:12“Şimal axını 2” Avropaya təhdiddir-ABŞ dövlət katibi12:06Xarici İşlər Naziri BƏƏ-yə gedib12:04Bakıda beynəlxalq konfrans başlayıb12:02Ingilis baş nazir iki yeni nazir təyin etdi11:57Abel Məhərrəmov rektorluqdan azad edildi16:35Azərbaycanda təsdiqlənən cərimələrin yeni məbləğləri10:54Paytaxtdakı bu vulkanlar təhlükə mənbəyidir10:53Paytaxtın bu ərazisində su olmayacaq10:52Dünya birjalarında neftin qiyməti ucuzlaşıb10:42“AzerGold” qızıl hasilatını artırıb10:39Azərbaycan qazını nəql edəcək borunun istismarı üzrə birgə müəssisə yaradılacaq10:37AZN məzənnələri açıqlanıb10:33Azərbaycan neftinin qiyməti ucuzlaşıb10:31Ulduz filminin Nazikini bir də indi görün+fotolar10:2930 saniyədə baş ağrısından qurtula bilərsiniz10:27Tanınmış modeldən açıq-saçıq fotolar10:23Türkiyəli aktrisa Almaniyaya getdi10:19İngiltərə premyer liqasında qadın rəhbər10:10Bavariya itki ilə üzləşib10:09Tanınmış tennisçi karyerasını başa vurub10:06Ağ ev iddiaya məhkəmə ilə cavab verib10:05BMT sanksiyalarını ləğv etdi10:00Nazirlər kabineti brexitə razılıq verib09:59İlham Əliyev Mahmud Abbası təbrik edib09:56Libermanın yerinə namizəd açıqlandı09:55“ABŞ-ın müttəfiqiyik, vassalı deyilik”-Fransa prezidentindən Trampa cavab09:53Azərbaycandan Gürcüstana nə qədər adam səfər edib?17:54"OPEC+ neft hasilatını azaltmağı nəzərdə tutur"17:46"Neft qiymətlərinin kəskin şəkildə aşağı düşməsi əsassızdır"17:42Azərbaycanda sement istehsalı üçün təkər yandırılacaq17:40Avtomobillərin gömrük pulu artırılır17:38ABŞ-da qəribə robot evi açıldı - "Bakirə" robotun qiyməti...17:3215 noyabrda gözlənilən hava şəraiti17:29Mustafa Sandal bu şəxslə sevgili imiş17:28Türkiyəli aktrisa oteldən qovuldu17:25Tanınmış aktrisa bu məqsədlə saçını kəsdirib17:24Azərbaycan - Farer adaları matçının hakimləri açıqlanıb17:20Milli komanda AÇ-yə məğlubiyyətlə başladı17:11Özil bu məbləğdən imtina etdi17:07